Әлеуметтік желіде Шымкент әкімі Ғабит Сыздықбековтің брифингіндегі даулы сәттің видеосы тарады. Кадрда өзін Бақытжан Көпбаев деп таныстырған азаматтың журналистерді әкімге жолатпай, жолын кесіп, сұрақ қоюға мүмкіндік бермей жатқанын анық көруге болады.
Посмотреть эту публикацию в Instagram
Бұл не сонда?
ҚР Президенті жанындағы Орталық коммуникациялар қызметі ұйымдастырған брифингке бірдей бір өңірдің әкімін «айғырдан бетер қайырып» жүрген блогерсымақ қайдан келген?
Әлде Шымкент әкімі өзі ыңғайсыз сұрақтардан қашып, алдын ала дайындаған құйтырқы сценариймен жүр ме?
Брифинг деген – шенеуніктерді қоршап, журналисті қуатын сахна емес.
Брифинг – БАҚ өкілдері, журналистер үшін ұйымдастырылатын, халықтың сұрағына ашық жауап беретін алаң.
Ал әлеуметтік желіде тараған видео – әкімнің ашықтығына да үлкен сұрақ белгісін қойып тұр.
Журналисті шенеунікке жолатпайтын мұндай әрекет шенеуніктің жұмысына үлкен сын.
Еске сала кетсек, бұдан бұрын «Ақмола облысы әкімінің брифингіне барлық журналистер неге шақырылмады?» тақырыбында мақала жариялаған едік.
