Осыдан тура үш жыл бұрын Ақмола облыстық мәслихатының сессиясында 2022-2024 жылдарға Қоғамдық кеңес құрылды. Осы қысқа уақыттың ішінде 3-ші шақырылымдағы кеңестің мүшелері жергілікті маңызы бар мәселелерді шешуде белсенділік танытып, облыстың және қоғамның дамуына өз үлестерін қосты. Бүгінгі күн сол жемісті жұмыстың қорытындысы шығарылды.
Іс-шарада жергілікті билік пен жұртшылық өкілдері кездесті. Бұл институттың маңыздылығы қатысушылардың баяндамаларында атап өтілді.
«Біз бұл тарихи межеге мықты мемлекет және біртұтас ұлт ретінде жеттік. Саяси жаңғыру, экономикадағы құрылымдық өзгерістер және әлеуметтік саланың дамуы жаңа ауқымда жалғасуда. Бұл жерде қоғамдық кеңестердің еңбегі зор», — деп атап өтті Қоғамдық кеңестің төрағасы Ермек Нұғыман.
Кездесуге қатысушылар шешім қабылдау үдерісіндегі қоғамдық институттардың маңыздылығы және мемлекеттілікті нығайтуға және қоғамның әлеуетін арттыруға бағытталған бастамаларды іске асырудың маңыздылығы туралы айтты.
«Кез келген өзгеріс халқымыздың өмірін жақсартуға бағытталуы тиіс. Мемлекеттілікті нығайтатын және біздің әлеуетімізді арттыратын бастамаларды ғана іске асыру қажет. Бұл Мемлекет басшысының нақты ұстанымы», — деп атап өтті Ақмола облыстық мәслихатының төрағасы Бейбіт Жүсіпов.
Соңғы отырыс барысында Кеңестің белсенді мүшелері – Мариям Әбішева, Нұрлан Жаров, Жеңіс Кәрімов, Алмат Нұрахметов, Сансызбай Сәрсенбаевтың еңбектері аталып өтілді.
Сонымен қатар, облыстық мәслихаттың Алғыс хаттарымен Серік Кәкенов, Сәуле Құсайынова, Бақыт Смағұл және Ирина Осипова марапатталды.
Үшінші сайланған Қоғамдық кеңестің жұмысы аяқталғанына қарамастан, белсенділердің әрқайсысы түрлі салаларда жұмыстарын жалғастырмақшы.
Соңғы отырыс барысында қонақтарға музыкалық сыйлықтар ұсынылып, кеңес мүшелері өздерінің үш жыл ішінде атқарған жұмыстары туралы айтып, тәжірибелерімен бөлісті.
