1 қазан — Қарттар күніне орай Ақмола облысының Ақсақалдар кеңесі мен Ардагерлер кеңесінің мүшелеріне арналған «Бірлігіміз — әралуандықта» экскурсиясы ұйымдастырылды.
«Қоғамдық келісім» КММ ғимаратында өткен экскурсия барысында қонақтар этномәдени бірлестіктер мен қоғамдық құрылымдардың кабинеттерін аралап, олардың қызметімен, сондай-ақ мәдени-рухани бағыттағы жұмыстарымен танысты.
Іс-шара барысында қоғамдық келісім мен этносаралық татулықты нығайтуға бағытталған бастамалар таныстырылып, қатысушылар өзара пікір алмасты.
Экскурсияға барлығы 50 адам қатысты.
