Ақтөбе қаласында елді есеңгіреткен ауыр жағдай тіркелді. КТК арнасы хабарлағандай, 16 жастағы жеке мектеп оқушысы өз анасына пышақ жарақатын салған, әйел оқиға орнында көз жұмды. Жасөспірім әжесін де жарақаттап, ол қазір ауруханада жатыр.
Полицияға көршілер хабарлаған, өйткені үйден шыққан айғайды естіген. Құқық қорғаушылар келгенде анасы қаза болған. Ал жасөспірім уақытша ұстау изоляторына қамалып, алғашқы тергеуде өз әрекетін мойындаған.
Алдын ала мәлімет бойынша, жанжал телефон пайдалануға тыйым салынған соң туындаған. Тергеудің өзге мәліметтері әзірге жария етілмей отыр.
Оқиғаға байланысты өңірдегі барлық білім беру ұйымдарында ата-аналармен балалардың қауіпсіздігі, мінез-құлқы және психоэмоционалдық жағдайын бақылау жөнінде түсіндіру жұмыстары күшейтілді.
Әлиби Латып, Актөбе облысының Бала құқықтарын қорғау басқармасының басшысы:
«Бұл – өте өкінішті жағдай. Жасөспірім небәрі 16 жаста. Толық, әлеуметтік жағдайы жақсы отбасынан. Үлгерімі де жоғары болған. Балалардың қауіпсіздігіне қатысты шаралар күшейтілді. Ата-аналардан профилактикалық шараларға түсіністікпен қарауды сұраймыз».
