«Көк шалғынның» жалғасы Сабатаев көшесіндегі жол жөндеу жұмыстары қыс жақындағанда қыза түсті. Бұл туралы @sinegor.kz жазды. Жартылай қар, жартылай саз-батпақтың үстіне асфальт төсеу жұмыстары желі қолданушылардың ашу-ызасын туғызды.
Посмотреть эту публикацию в Instagram
«Қар жауған соң жолды жөндеп жатыр — асфальт барлық стандартқа қайшы төселуде. Көктемде қармен бірге еріп кетпесе болғаны…», — дейді қала тұрғындары.
Осы тұста орыс сатиригі Евгений Петросянның ащы қалжыңы еріксіз еске түседі:
«Егер қар жауып жатса – демек, жақында асфальт төсейді. Ал егер асфальт төсеп қойса – онда көп ұзамай құбырларды жөндей бастайды».
Көкшетау әкімдігі дәл осы әзілді ұран етіп алғандай. Қар мен лайдың үстіне төселген асфальттың сапасы қандай болатыны айтпаса да түсінікті. Мамандар мұндай жол жабыны көпке бармайтынын айтады.
Алайда, бүгін салғанды ертең жөндеуді әдетке айналдырған қала билігі ешнәрседен қаймықпайтын секілді. Ең бастысы — жоспар орындалып, есеп жабылса болғаны. Ал ертең оның сапасы қандай болмақ?…
