Көкшетауда жүктіліктің соңғы мерзімінде болған әйелді дәрігерлер құтқарып қала алмады, деп хабарлайды Esilnews.
Жергілікті БАҚ жарияланған мәліметке қарағанда, әйел «Viamedis» ЖШС-де есепте тұрған. Марқұмның іші ауырып, қызу көтерілген, жедел жәрдем қызметі бірнеше рет алып алып кеткен.
Сонымен бірге, іштегі баланы да сақтау мүмкін болмады. Әйелдің артында екі баласы қалған.
Ақмола облыстық денсаулық басқармасының баспасөз қызметі әйелдің қайтыс болғанын растады. Ведомстводан атап өткендей, қайғылы жағдай 23 желтоқсанда сағат 05:00 шамасында болған.
«Әйелге «өкпе тамырының тромбоэмболиясы, ауыр дәрежедегі ЖРВИ» диагнозы қойылды. Толық мәліметті қызметтік тексеріс және санитарлық медициналық сараптама қорытындысынан кейін жариялайтын боламыз», — деді ведомстводан.
