Ақмола облысында соңғы үш күн бойы сақталған жаңбыр мен көктайғаққа байланысты патруль қызметкерлері жол қозғалысының қауіпсіздігін қамтамасыз етуде.
Өткен екі күнде патруль қызметі 15 автоколоннаны сүйемелдеп, жалпы 2 640 көліктің қауіпсіз қозғалысын ұйымдастырды. Оның ішінде 2 110 жеңіл автокөлік және 530 жүк көлігі бар.
Қауіпсіздік шаралары ауа райының күрт нашарлауымен, жолдардың көктайғаққа ұшырауымен байланысты қабылданды. Алдын ала облыс аумағындағы кейбір автожолдарға қозғалыс шектеулері енгізілген болатын.
Патрульдік экипаждар әлі де күшейтілген режимде қызмет атқарып, жолдағы қауіпсіздікті қамтамасыз етуге және автокөлік жүргізушілеріне көмек көрсетуге дайын.
