Сандықтау ауданының Балкашино ауылында тұрғын үйдің ауласынан жабайы сілеусін табылды, деп хабарлайды Esilnews.kz.
Оқиға орнына құтқарушылар, егерлер және полиция қызметкерлері келіп, жануарды зиян келтірмей ұстады. Мамандардың айтуынша, бұл – әлі бір жасқа толмаған сілеусіннің баласы.
Куәгерлердің сөзіне қарағанда, қолға түспей тұрып ол ауылдағы үй мысығымен «жанжалға» да үлгерген.
Жыртқыштың ауылға қалай тап болғаны белгісіз. Қазір ол аңшылық шаруашылығында бағып-қағылуда. Күшіне енген соң сілеусінді табиғи ортасына қайта жіберу жоспарланып отыр.
