Ақмола облысында бір күнде екі әкімнің қызметі тоқтатылды.
Облыс әкімі Марат Ахметжановтың 21 қыркүйектегі өкімімен Степногорск қаласының әкімі Гайдар Қасенов пен Аршалы ауданының әкімі Достанбек Есжанов атқарып отырған лауазымдарынан босатылды.
Гайдар Қасенов Степногорск қаласын 2024 жылғы қарашадан бері басқарды. Ал Достанбек Есжанов Аршалы ауданының әкімі қызметіне 2024 жылғы желтоқсанда тағайындалған еді.
Әзірге әкімдердің қызметтен босатылу себептері ресми түрде айтылған жоқ. Олардың орнына кім келетіні де әзірге белгісіз.
Ақмола облысындағы кадрлық өзгеріс мұнымен шектеле ме?
