Көкшетау қаласында Жеңіс күніне орай Жеңіс мемориалына гүл шоқтарын қою рәсімі өтті. «Ұлы жеңіске тағзым!» атты іс-шараға облыс басшылығы, ардагерлер, тыл еңбеккерлері, зиялы қауым өкілдері мен жастар, сондай-ақ «Қоғамдық келісім» КММ ұжымы, этномәдени бірлестіктер мен қоғамдық құрылымдардың өкілдері қатысты.
Жиналған жұртшылық Мәңгілік алау алдында бір минут үнсіздік жариялап, ел тәуелсіздігі мен бейбіт өмір үшін жанын қиған ерлердің рухына құрмет көрсетті. Салтанатты шара барысында Отан қорғаудың асыл мұраты, ұрпақтар сабақтастығы мен тарихи жадының маңызы ерекше аталып өтті.
Бұл тағзым – ерлікке құрмет, елдікке тағылым.
