Степногорскідегі аурухана дауы – облыстағы жалғыз мәселе емес. Аурухананы реттеу міндеті қойылса да, Ақмола облысының әкімі назар аударуға тиіс тағы да аса маңызды түйткілдер бар. Олар – бюджет есебінен қаржыландырылатын, бірақ қарызға белшесінен батқан мемлекеттік және квазимемлекеттік мекемелердің жағдайы.
Посмотреть эту публикацию в Instagram
Бұл ұйымдардың ортақ диагнозы бір: өміршеңдігін жоғалтқан басқару моделі, зейнет жасынан әлдеқашан асқан басшылар, жаңашылдықты қабылдай алмайтын кадрлық тоқырау.
Жыл сайын «тұрақтылық керек», «тәжірибелі кадрлар» деген желеумен қызметін жалғастырып келе жатқан мұндай басшылар мекеменің дамуын емес, тоқырауын қамтамасыз етіп отыр. Ал «мен жүргенше, жүре бер» деген әкімдік деңгейіндегі бейресми рұқсат – бүкіл жүйені әлсіреткен негізгі факторлардың бірі. Бұл сөйлемді осыған дейін талай әкім айтты. Сол әкімдердің салғырттығы мен жауапсыздығы бүгінгі ахуалдың тамырына айналды.
«Арқа ажары» – жүйелі салғырттықтың айнасы
Мысал ретінде бюджеттен қаржыландырылатын «Арқа ажары» газеті туралы бұрын да бірнеше рет жазғанбыз. Бірақ мәселе шешілмей келеді.
Қарызға белшесінен батқан бұл редакция – қазіргі облыстық ақпараттық саясаттағы дағдарыстың айқын көрінісі.
Редакция басшылығы мен ұжымы – түгелге жуық зейнеткерлер. Бұл тұрғыда сөз адамның жасында емес, олар басқарып отырған жүйенің бүгінгі талапқа сай келмеуінде.
Атап айтсақ: зейнеткер директор – қаржылық тәртіпті қамтамасыз ете алмаған; зейнеткер бас редактор – 21 ғасырда базалық компьютерлік жұмысқа қиналып отыр; зейнеткер бас бухгалтер – есепті дәл жүргізе алмай, миллиондаған қарызға жол берген; газеттің зейнеткер бет қаттаушысы – заманауи дизайн талаптарынан хабарсыз; зейнеткер журналистер – цифрлық медианың тілін, әлеуметтік желі динамикасын, сараптамалық контент стандарттарын меңгермеген.
Қазіргі медианарықта апталық газеттің өміршеңдігі – креатив, жеделдік, цифрлық платформадағы белсенділік, сапалы аналитика. Ал «Арқа ажары» мұның ешқайсысын орындап отырған жоқ. Соған қарамастан, жыл сайын қосымша қолдау көрсету – тиімсіз әрі әділетсіз шешім.
Маңызды сұрақ: облыс әкімі нені күтуде?
Мәселені көрмей отыр деу – қисынсыз. Алайда шешім қабылданбай отырғаны – түсініксіз. Кадрлық жаңару – өңірдің ақпараттық саясатын, медиа сапасын, бюджет қаражатының тиімділігін арттыратын негізгі шарт.
Түйткілді шешудің бірден-бір жолы – тиімсіз жұмыс істеп отырған зейнеткер басшыларды босату, редакцияны толықтай жаңарту және кәсіби команда құру.
Мұндай қадамсыз облыстық ақпараттық саясатта өзгеріс болмайды. Ал ескі тәжірибеге байланып қалған басшылар дәуірінің созылуы – қаржы ысырапшылдығын жалғастыра береді.
Жауапкершілік уақыты келді
Осыған дейінгі әкімдердің «мен жүргенше, жүре бер» деген бейресми формуласы ауданнан облысқа дейінгі көптеген мекемелерді әлсіретті. Енді бұл дағдыдан арылатын уақыт келді.
Облыстағы мемлекеттік ұйымдар мен ақпараттық құрылымдарға жауапкершілік, талап, сапа керек. Бұл – тек бір газетке немесе бір мекемеге қатысты мәселе емес. Бұл – облыстың басқару мәдениетіне, кадрлық саясатына және бюджетке деген көзқарасына байланысты кең ауқымды реформаның қажеттігін көрсететін белгі.
Түйін:
Облыс басшысы осы мақалада көтерілген мәселелерге назар аударып, өңірдің ақпараттық саясаты мен медиасферасына нақты реформа жасауға батыл қадам жасаса, Esilnews.kz редакциясы әкімнің де, әкімдіктің де жұмысына ашық, әділ әрі сапалы ақпараттық қолдау көрсетуге толық дайын.
Айта кетерлігі, Esilnews.kz — өзге басылымдар сияқты бюджеттен бір тиын алмайтын, таза тәуелсіз, кәсіби желілік басылым. Сондықтан да біздің басты құндылығымыз — объективтілік, қоғам мүддесі және ашықтық.
Еске сала кетсек, бұдын бұрын «Уақыт өтті. Енді мемлекеттік қаржының қайда кетіп жатқанын сұрайтын кез келді» тақырыбында мақала жариялған едік.
Ойбүй! Бұлар әлі жүр ме, газет басқарып? Мен бұл газет жабылып қалған шығар дедім. Обал ай.
Қайдан жабылсын. Үкіметтің ақшасын алып отыр ғой)
Әуелбековті жамандаған адам қайдан оңсын. Газетті жеке меншіктеп алғаннан сау ма?
Мұның бәрі әкімнің әлсіздігінің белгісі сияқты. Идеологияны қолына алудың орнына, керісінше солардың ығына жығылып жүргендей көрінеді. Газет басшылығы тарапына қатысты түрлі жағымсыз әңгімелердің таралғанын да естідік. Редактордың ұлы парамен ұсталып, тергеліп жатыр дейді. Сол себепті редакцияда кәсіби ортадан гөрі күмән тудыратын байланыстар көбейіп кеткендей әсер қалыптасып отыр.
Кет, енді газет оқымаймын…
Да, қиын жағдай екен. Енді не болады?