Ақмола облысының Бұланды аудандық соты Макинск қаласының тұрғынының талабын қанағаттандырды.
2025 жылдың ақпан айында елді мекенде су құбыры жарылып, тұрғын үйді су басқан. Салдарынан үй апатты деп танылып, іргетас бүлініп, қабырғалар жарылған, ылғалдылық күшейген.
Сот «Макинск Жылу» ШЖҚ МКК-ның уәжін негізсіз деп тауып, су құбыры желілері жауапкердің меншігінде екенін және апат пен залал арасында тікелей себеп-салдарлық байланыс барын анықтады.
Сот шешімімен зардап шеккен азаматтың пайдасына 3 млн теңге (материалдық залал, бағалау және өкілдік шығындар) өндіріп берілді.
Шешім заңды күшіне енді.
Ақмола облысының Бұланды аудандық соты.
