Акмола облысының полицейлері Степногорде алтын өндірісімен заңсыз айналысқандарды ұстады. 26 қарашада жүргізілген кешенді шаралар барысында Заводской ауылында екі жасырын цех анықталды. Сол сәтте цехтарда екі бригада заңсыз жұмыс істеп жатқан.
Тергеу барысында белгілі болғандай, олар арнайы құрал-жабдықтарды пайдалана отырып, алтын қорытпасын өндірумен айналысқан. Оқиға орнын тексеру және тінту барысында шамамен 800 килограмм алтын қорытпасы, екі қайта өңдеу кешені және 30 грамм таза алтын тәркіленді.
Қазіргі таңда қылмыстық істер қозғалды. Тергеу амалдары жалғасуда, барлық заңсыз әрекеттер мен қатысушылар анықталуда.
Бұл оқиға заңның бәріне бірдей екенін тағы бір мәрте көрсетеді. Жауапкершілік пен тәртіпсіздікке жол жоқ, ал құқық қорғау органдары әрқашан қоғамның мүддесін қорғайтынын дәлелдеді.
