Құрметті жерлестер!
Мен, Кокшетау қалалық соғыс және еңбек ардагерлері кеңесінің төрағасы ретінде, жаңа Конституция жобасына қатысты өз ұстанымымды білдіруді азаматтық парызым деп санаймын.
Біздің буын ел басына түскен талай сын-қатерді еңсерді. Тәуелсіздіктің қадірін, тұрақтылықтың маңызын, бейбіт өмірдің бағасын жақсы білеміз. Мемлекеттің іргесі берік болуы үшін оның құқықтық негізі мықты, басқару жүйесі әділ әрі жауапты болуы қажет. Сондықтан да жаңа Конституция жобасын қолдау — елдің ертеңіне деген жауапкершіліктің көрінісі деп есептеймін.
Ұсынылып отырған өзгерістер мемлекеттік басқару жүйесін жетілдіруге, билік тармақтары арасындағы тепе-теңдікті нығайтуға, халықтың шешім қабылдау үдерісіне қатысу мүмкіндігін кеңейтуге бағытталған. Бұл — қоғам мен билік арасындағы сенімді арттырып, әр деңгейдегі жауапкершілікті күшейтетін маңызды қадам.
Әсіресе, Конституцияда адамның құқығы мен қадір-қасиетін қорғау, әлеуметтік әділеттілікті қамтамасыз ету мәселелеріне басымдық берілуі — көңіл қуантады. Соғыс және еңбек ардагерлері үшін мемлекеттің әлеуметтік міндеттемелерін сақтау, аға буынға құрмет көрсету — аса маңызды. Бұл қағидаттар жаңа жобада айқын көрініс тапқан.
Бүгінгі таңда біз тарихи маңызы бар кезеңде тұрмыз. Еліміздің болашағы — бірлігімізге, парасатты таңдауымызға және ортақ жауапкершілігімізге байланысты. Жаңа Конституция жобасын қолдау — тұрақты, әділетті және өркениетті қоғам құру жолындағы нақты қадам.
Ардагерлер атынан баршаңызды ел болашағы үшін маңызды шешімге бейжай қарамай, азаматтық ұстаным танытуға шақырамын.
Шиап Әлиев, Көкшетау қалалық ардагерлер кеңесінің төрағасы
