Көкшетаудағы Абылай хан даңғылының жағдайы алаңдатуда. Тротуарларда қоқыс, су толған шұңқырлар мен ескі ашық құдықтар жүргіншілер үшін қауіп төндіреді. Кейбір бағандар мен фонарлар қисайып, құлау қаупін тудырып тұр.
Ең алаңдататыны – бұрынғы радио зауытының ғимараты. Терезелері ұрылған, есіктері сынған, айналасы шыны мен қоқысқа толы. Ішінде не болып жатқаны белгісіз.
Тұрғындар инфрақұрылым жөндеуді көптен бері талап етіп келеді, алайда әзірге тек қираған, хаосты көрініс бар. Бұл қаланың көркіне теріс әсерін тигізіп, Абылай хан даңғылын урбан хаос аймағына айналдырып отыр.
