Биылғы жылғы қазанның 24-де Бурабай аудандық ПБ кезекші бөліміне жедел жәрдем станциясының диспетчері хабарласып, Щучинск қаласындағы «Лиза» дүкенінің жанында жол-көлік оқиғасы болғандығын айтты.
Щучинск қаласының 22 жастағы тұрғыны «Toyota Windom» автокөлігінің жүргізушісі көктайғақтың салдарынан көлікті басқара алмай 47 жастағы жергілікті тұрғын тізгіндеген «ВАЗ-2114» автокөлікпен соқтығысты.
ЖКО салдарынан «ВАЗ-2114» маркалы автокөліктің жүргізушісі мен жолаушысы түрлі дене жарақатымен ауруханаға жеткізілді. Сараптама тағайындалды. ҚР ҚК 345-бабының 1-бөлігіне сәйкес «Көлік құралдарын басқаратын адамдардың жол жүрісі немесе көлік құралдарын пайдалану ережелерін бұзуы» бойынша сотқа дейінгі тергеу жүргізілуде.
