Щучинск қаласында Қарттар айлығы шеңберінде аға ұрпақты құрметтеуге арналған салтанатты шара өтті. Оған еңбек ардагерлері, тыл еңбеккерлері, аудандық ардагерлер ұйымдарының өкілдері мен әлеуметтік сала қызметшілері қатысты.
Жиналғандарды аудан әкімінің орынбасары Анар Күзембаева құттықтап, алғыс білдірді.
«Биылғы жыл бәріміз үшін айтулы жыл. Бүкіл ел болып, Республика күнін атап өттік. Осы кезеңге дейін Қазақстан елеулі табыстарға қол жеткізді және бүкіл әлемге танымал болды. Бүгінгі күні Сіздердің әрқайсыңыз тиісті зейнет демалысында болсаңыздар қоғамның, ауданның, облыстың және еліміздің дамуына үлесіп қосып жүрсіздер. Мереке күндері болсын, басқа да іс-шараларда да, біз бурабайлық әрбір қазыналы қариямызды назардан тыс қалдырмаймыз, олардың мұң-мұқтажын назарға алып отырамыз», – деді Анар Күзембаева.
Сонымен бірге, шара барысында ауданның әлеуметтік-экономикалық дамуына үлес қосып жүрген әлеуметтік сала қызметшілері мен еңбек ардагерлері Бурабай ауданы әкімінің және аудандық мәслихаттың Алғыс хаттарымен марапатталды.
