Биылғы жылғы қазанның 20-да Целиноград аудандық полиция бөліміне Бурабай ауданының 22 жастағы тұрғынынан арыз түсті. Ер адамның сөзінше, 4 қазан күні оның танысы, Ақмол ауылының 38 жастағы тұрғыны алаяқтық жолмен 3,5 миллион теңге ақшасын иемденіп кеткен.
«Анықталғандай, оған танысы шетелдік көліктің суретін көрсете отырып, «Тойота» маркалы автокөлікті тиімді бағамен сатып алуды ұсынған. Алайда сатып алу үшін ол 1 млн.теңге мөлшерінде алдын ала төлем жасауды сұраған. Бірнеше күннен кейін оған тәуелді емес себептермен мәміле бұзылғанын хабарлаған ер адам зардап шегушіге өзінің «Шевроле кобальт» маркалы автокөлігін сататынын және тағы 2,5 теңге беруді ұсынған. Ақшалай қаражаттың қалған бөлігін аударған ақмолалық көліксіз және ақшасыз қалып, полициядан көмек сұрады. Осы фактіге сәйкес ҚР ҚК 190-бабы 3-бөлігі «Алаяқтық» бойынша сотқа дейінгі тергеу жүргізілуде», – деді ведомстводан.
