Ақмола облысының Төтенше жағдайлар департаменті баспасөз қызметінің мәліметінше, өрт қазанның 22-де сағат 15:35 «Алмаз» шипажайының аумағындағы жеке тұрған қазандықтан шыққан. Кейін қызыл жалын аталмыш шипажайдың үш қабатты ағаш корпусына, яғни жазғы ғимаратына көшкен.
Екі сағат ішінде өрт сөндірушілер тілсіз жауыд ауыздықтап үлгерді. Жарақат алғандар мен зардап шеккендер жоқ. Өрттің себебі – анықталуда. Өртті сөндіруге ТЖД жеке құрамынан 33 адам және 11 өрт сөндіру техникасы жұмылдырылды.
