Биылғы жылдың 30 қарашасында Степногорск қаласының полиция басқармасына жергілікті тұрғын 42 жастағы әйелден арыз түсті. Әйелдің сөзінше, 2022 жылдың наурыз айынан бастап бейтаныс ер адам оның 2005 жылы туған ұлынан 1 миллион 500 мың теңге ақша бопсалап келген.
Жедел-іздестіру іс-шаралары барысында жақын маңдағы кенттің уақытша жұмыс істемейтін 21 жастағы тұрғыны анықталды.
Полиция басқармасы осы дерек бойынша Қылмыстық кодекстің 194-бабының 1-бөлігі «бопсалау» бойынша сотқа дейінгі тергеп-тексеруді бастады. Күдіктіге қатысты келу туралы міндеттеме түріндегі іс жүргізу мәжбүрлеу шарасы таңдалды.
